برووسکه‌یه‌ک
به‌ ته‌نیشت شه‌پۆلێکی "خه‌وه‌ به‌ردینه‌ی " سواره‌وه‌ ‌
 

 1ی نۆڤێمبه‌ری 1991
به‌کر ئه‌حمه‌د

بوومه‌ته‌ ده‌ماری شینی جه‌سته‌ی زه‌وی به‌بێ من وشک
هه‌رچی ده‌ماری وردیله‌ی سه‌ر وخواری زه‌مین هه‌یه‌
ده‌ڕژێته‌ ناو هه‌ناومه‌وه‌ و
منیش به‌ره‌ و شاری هیوا.
له‌ شاخدا ناوییان نام" سیروان"
له‌ پێده‌شتدا بووم به‌ "دیجله‌"
له‌و لا تریش بووم به‌ "که‌نداو".
به‌ڵام هیچ کام له‌و ناوانه‌
به‌سته‌ی شه‌پۆلمییان نه‌گۆڕی
به‌ره‌و هیوا
به‌ره‌ و شاری شادی ده‌ریا، ڕه‌وتی هه‌نگاومییان نه‌گۆڕی.