بە نەقدی جان دەدا یەک بۆسە دڵدارم، وەلێ زەحمەت

بە نەقدی جان دەدا یەک بۆسە دڵدارم، وەلێ زەحمەت
دەگاتە حەددی وا بوون عوقدەیی کارم، وەلێ زەحمەت


بە پایین گەر نەبێ عومرم، بە پایین دێ شەوی هیجران
دەبینێ صوبحی وەصلت دیدەی تارم، وەلێ زەحمەت


بەسەرچێ گەر حەیاتم بێ زمستانی غەم و هیجران
دەکەم ڕۆژێ تەماشی باغ و گوڵزارم، وەلێ زەحمەت


چیرۆکی کورت کورت

ئاسمان بەردەبێتەوە. درێژەی هەواڵەکان سەعات یانزە.
ڕۆبرت جۆردن
 
 
لە باڵەخانەی هەوربڕی گڕتێبەردراوەوە، مرۆڤ باڵی لێڕوا.
گرێگوری مەگوایەر
 
 
گۆڕنامە: مرۆڤی کەر، هەرگیز لە زەوی هەڵنەهات.
ڤێنۆ  ڤینج
 
 
بینیم، ئازیزم، بەڵام درۆکەت بکە.
ئۆرسن سکۆت کارد
 
 
تکایە! هەر ئەمەندەیە، سوێندەخۆم.
ئۆرسن سکۆت کارد
 
 
ئامێرەکان دەگەنە داهاتوو!!! ...کەسی لێ نییە...
هاری هاریسن
 
 
زۆری تێدەچێ، وەک مرۆڤ مانەوە.
بروس ستێرلین
 
 

شەوێ لەیلا بە مەجنوونی دەوت : بنواڕە حاڵی خۆت

شەوێ لەیلا بە مەجنوونی دەوت : بنواڕە حاڵی خۆت
بە خۆڕایی کە چۆنت دا بە با عەقڵ و کەماڵی خۆت؟
جوابی دایەوە مەجنوون: ئەگەر طاقەت ببێ لەحظێ
لەناو ئاوێنەدا بنــواڕەرە حوســـن و جەمالــــــی خۆت

با دێ

(1)
هەموو تەمەنم با بردی
بۆ تاریكی
من مامەوە.
(2)
بەیانیان منداڵەكەم یاری بە قژم دەكا
من دایكم لە خەو دەبینم
وەك كوێر لە بازاڕ
بەدوامدا دەگەڕێ‌.
(3)
دنیا ئەوەندە گەرمە
لە دڵی خۆت دەڵێی
بروخێ‌ با.

گاسپاچۆ، ئەو میوانەی چوار هەفتە لە ماڵمان بوو

یەکەم کەسێک  لە دەرەوەی خێزانی ئێمە کە هەستی کرد ئەندامێکی دیکەی ماڵمان زیادیکردووە، پیاوی پۆستەچی گەرەک بوو. ئەو کە خەریکی دابەشکردنی پۆستی ماڵی ئێمە بوو، هەستیکرد ناوێکی تر بە جیا لەو ناوانەی کە تا ئێستا هەبوون،  بەسەر سندووقی پۆستەکەوەیە.  ئەو ڕوودەکاتە کوڕەکەم کە لە باخچەکەدا خەریکی یاریکردنە:" گاسپاچۆ چی تۆیە، هەستدەکەم ناوێکی دی بەسەر سندوقی پۆستەکەتانەوەیە. " کوڕە نۆ ساڵانەکەم ڕووی تێدەکات و دەڵێ:" حەز دەکەیت بیبینیت"؟ کابرای پۆستەچی دەڵێ:" بە خۆشحاڵییەوە". کوڕەکەم دەڵێ: دەیبینی، ئەها لە ناو باخچەکەدا چیمەن و گوێزەر دەخوات، ئەوە گاسپاچۆیە". "چ هاوڕێیەکی ووردیلەکەت هەیە.

Subscribe to