پێنج چیرۆكی كورت

ململانـــــــــێ
گفتوگۆی نێوان من و هاوڕێكەم بەردەوامە. هەنگاوە شلەكان ڕێگای ماڵەوەمان لێ دوورتر دەكەنەوە. باس لە زەمەن دەكەین، من دەڵێم مرۆڤ بەردەوام لە ڕابووردوودا دەژی، ئەو دەڵێت مرۆڤ هەمیشە بیر لە داهاتوو دەكاتەوە. بەردەوام گفتوگۆ دەكەین و ناكۆكین. لە كاتێكدا دەستەكانم دەئاخنمە گیرفانی پانتۆڵە ڕەشەكەمەوە، لە خۆمەوە دەڵێم:
- نازانم! زۆر سەیرە!
ئەو بە سەرسووڕمانەوە سەیرم دەكات و دەڵێ:
- چی سەیرە؟

هەوری پاییز

له‌ ده‌ریاوه‌ قه‌تاری هه‌وری باڕشت که‌وته‌ دووی پێشه‌نگ،
به‌ سه‌ر سینگی چیادا چۆکی داداوه‌، کش و بێده‌نگ


به‌ سه‌ر پایزی زه‌ردا با به‌ خوڕ بگری، به‌ کوڵ بگری،
له‌ سه‌ر ئاخر گه‌ڵا، ئاخر چڵی ته‌نیایی گوڵ بگری!


لەسەر ڕووت کازیبەی زوڵفت وەلا بە

لەسەر ڕووت کازیبەی زوڵفت وەلا بە            کە سادیق بێ تولوعی ئافتابە
دڵ و دین  هەرچی بوو قوربانی تۆ بوون      هەتا کەی ئیدی ئەم ناز و عیتابە؟
بڵا بەو ڕۆژە نەیلۆفەر نەسووتێ                 بە مەرگی من سەری زوڵفت وەلا بە
لە عەکسی عاریزت فرمێسکی چاوم             گوڵاوی ڕووتە هەم خوونابی نابە
وەرە بنوێنە خۆت، بمکوژە قوربان              بە دینێک کوشتنی عاشق سەوابە
وەرە بنواڕە بەزمی عالەمی دڵ                 چ خۆش دەورێکە هۆشیاریی خەرابە
ئەگەرچی ناڵەیە هەر زەوق و شەوقە           ئەگەرچی گریەیە عەینی سەوابە

چاوەڕێی موژدەی نەسیمم، تا لە گوڵشەن دێتەوە

چاوەڕێی موژدەی نەسیمم، تا لە گوڵشەن دێتەوە
بەڵکە فەرمایش بکا گوڵ، بولبولم با بێتەوە


وا وەعیدی بەفری زستانە و فیراقم کەوتە دڵ
مەر بە بای وەعدەی ویساڵت کێوی دڵ ڕەش بێتەوە


میروەحەی زوڵفت لە دەوری ئاوری ڕووت بێ چلۆن
ئاگری عیشقت بە ئاوی چاوی من دەکوژێتەوە؟!


ستیانەکەت

مەمکەکانت  دوو منداڵن
بە ستیانەکەت بڵێ : چۆن منداڵ زیندانی دەکرێ

...

ستیانەکەت پڕدەکەم لە جریوەی چۆلەکە
تا مەمکەکانت لە زیندانا غەمگین نەبن

...

ستیانی ڕەش لە مەمکەکانت مەکە
دەترسم لەو زیندانە تاریکەدا
مەمکەکانت کوێڕبن.

...

مەداری ئیتتیهامم سووئی زەننی یارە بەم عەشقە

مەداری ئیتتیهامم سووئی زەننی یارە بەم عەشقە
بڵێن ڕەنجی عەبەس دەردێکی بێ دەرمانە تا مردن


جەفای دڵبەر مەڵێن ناخۆشە، خۆشە گەر قەدرزانە
وەفای خۆت تۆ بکە و بنواڕە ئەو عینوانە تا مردن


وتم بۆ تەجرەبەی ئەهلی موحیببەت خۆت مەڕەنجێنە
بەشی ئەو تاقمە مەعلوومە، سەردانانە تا مردن


ڕازی تەنیایی

ژیان و ئەرکی ناخۆشیی، پەپوولەی ئارەزووی کوشتم
شەرابی جامی دڵداریی، لە تافی لاوییـــا، ڕشتم!
تەمی ڕۆژانی پڕمەینەت، وەها تاریک و چڵکن بوو
نیگاری خۆشەویستی دڵ، پەری‌ئاسایی، تیا ون بوو!
شەوی تەنیایی، ڕووناکیی چرای ئاواتی، خنکانم
دەستی ناکامی، ئاوازی دەروونی کەیلی، تاسانم
ئەوا ئێستا لەگەڵ زامی،
دەروونی پڕ لە ناکامیی
ئەپێوم چۆڵی سەرسامیی

* * *

ئەو نائومێدییانەی نیشتمان پێکیانەوە گرێ ئەدات..!

کورتە پێناسەیەکی شاعیر:
( "دەخیل خەلیفە" یەکێکە لە شاعیرە نوێخوازەکانی کوەیت . هەوڵی داوە بە زمانێکی نوێ کە جیاواز بێت لە زمانی باوی نووسین ، داهێنان بەرپا بکات . لە دایکبووی ساڵی 1964 ە . چوار دیوانە شیعری چاپکراوی هەیە :
- "چاوەکانی سەر دەروازەی مەنفا " .
- "دەریایەک هەڵئەکورمێت" .
- "بیابانێک لە فەزای کراسەوە دێتە دەرێ" .
- "دەستێکی بڕاو لە دەرگا ئەدات" .
 
Subscribe to