لە یەکێک لە قاوەخانەکانی (کۆپنهاگن) بۆ ماوەی چەند کاتژمێرێک من و کاک دیاری وتووێژێکی هاوڕێیانەمان ئەنجام دا ، ئاخر من لە ساڵی پارەوە ( 2008) دەمویست ئەم دیدارەی من و کاکە دیاری ساز بێ، بۆ ئەوەی ئەم نووسینەمی پێ دەوڵەمەند بکەم، هەڵبەت لەبەر سەرقاڵیی پرۆڤەکانی بۆ کۆنسێرتەکانی دانیمارک و سوید و هەروەها نەپەرژانی لەبەر ئەو ماوە کەمەی کە تەرخانی کرد بوو بۆ گەشتەکەی ، بۆیە نەکرا دیدارەکەمان درووست بێ.