سڵاو، ڕوئیا.
ئەگەر بویت بەدایكی مناڵ ، فێری بكە بەر لە گش شتێك تف لەسیاسەت‌ و درۆكانی بكات. لەبەر ئەوەی سەرجەم مەینەتی‌ و نەهامەتیەكانی كوڕی سیاسەتن. تەواوی جەنگەكانیش لە مانیفێستەكانەوە دەست پێ ئەكەن. پێی بڵێ كاتێك هەر یەكەو بە ئایدلۆژیایەك مودمین ئەبن ، تۆ تەنیا بیر لەوەبكەرەوە كامیان خزمەتكاری مرۆڤایتییەو كامیان مرۆڤایەتی ئەكات بەپەیژە؟پێ‌ی بڵێ  كاتێك ئەو باسی ئایندەیەك لەگوڵت بۆئەكات ، تۆ دڵت لای باخچەیەكی خۆڵەمیچشی بێت. پێ‌ی بڵێ مرۆڤ‌و ڕۆحلەبەرەكانی تری خۆش بوێ.  فێری بكە مرۆڤ ئەتوانێت لەیەك كاتدا لەبەردەم دووڕیانێكدا بوەستێت(( مرۆڤ هەمیشە لەبەردەم دوڕیانێكدا یە))، دڕندە، یافریشت. نیشانی بدە دڕندەبوون چ نابوتیەك ئەكات بەژیان، فریشتە بونیش چەند جوانی !  ئاخر مرۆڤ كەخۆی‌و ڕۆح لەبەرەكانی ترشی خۆش نەویست ، ناتوانێت خۆشبەختی لەسەر ئەم ئەستێرەیە بدۆزێتەوە.
ئەگەر دیاریەكت بۆكڕی باشتێك نەبێـ لەچەشنی دەمانچەی مناڵان. هەر ئەو دەمانچە نایلۆنانەیە گەوڕە ئەبێ‌و مرۆڤایەتی ئەكوژێت. هەر ئەو چەقۆ لایلۆنانەیە گەورەئەبێ‌و مرۆڤایەتی سەرئەبرَێ. هەر ئەو بێچوە شێریە گەورەئەبێ‌و مرۆڤایەتی ئەخوات.ئەگەر كچت بوو پێی بڵێ پیاوەكان هەموو دەست بڕو مرۆڤ كوژنین، ئەگەر كوڕیشت بوو فێری بكە بەشەق لەخوشكەكەی هەاڵ نەدات، پێ‌ی بڵی ژنەكان تەنیا ئەوانەنین لەپێنو بەختەوەریا هیچی تر نەماوەبیكەن، بۆیە لەشفرۆشی ئەكەن. پێ‌ی بڵێ نەهامەتی‌و برسێتی چۆك بەهەموو شتێك دائەدات. ئەشێت لەناو دڵی سۆزانییەكا پاكیزەییەك بونی هەبێت. ئەشێت لەناو سۆزانی‌و لەشفرۆشەكانیشدا، چەندەها ژنی ئیماندارو دڵشكاو عاشق ، بونیان هەبێت. پێی بڵێ تەنیا كەسێك بەختەوەریت ئەداتێ . دایكت ڕێت پێئەدات بێیتە ژیانەوە، دواتر ئەبێت بەدوایدا بگڕێت‌و لەپێناویدا بجەنگیت، جەنگێك خوێنی تیادا نەڕژێ ‌و لە هەستی كەس نەدەیت. بەبڕوای تۆ ئەوكەسە چەند تاوان بارە بەمناڵی كەسیان بۆنەهێشتووەتەوە‌و ئالودەی یەكێك لەخراپەكاریەكانی وەكو دزی‌و تلیاك‌و كوشتن بووە؟! بەڵام بەرلەوەی كەسێك بكوژیت پێویستە دەورو بەرەكەی دادگایی بكەیت‌و بەدووای هۆكاری تاوانەكانیدا بگەڕێیت. بەم جۆرەگوناه لەسێدارەئەدرێت، بەلەسێدارەدانی گوناه بار هیچ شتێك لەم دونیایەدا ناگۆڕی، جگە لەخولانەوەیەكی دووبارە بەدەوری ییك بازنەدا.
مەهێڵە مناڵەكەت بەكینە گەورەبێ. ئەوەی بۆتۆڵەكردنەوەبژی خوێنی بەناهەقیش ئەڕژێ، ئەوەی پێش خۆی دووبارەئەكاتەوە. مەرج نییە هەموو تاوانكارێك خراپبێت، زۆرجار ناچاری پیاو چاكێك ئەكاتە خراپەكار. لای منیش ئەودزە زۆر لەعیبادەت كارێك شەریفترە ئەمیان بۆماڵ‌و مناڵی برسی هەژارێك دزی ئەكات ، وەیتریشیان لەسەر تێری فتوای كوشتنی بۆ دەرئەكات. لایمن ئەو سۆزانییە لەو سیاسیە شەریف ترە ، ئەمیان لەژێر باری لەزەت‌و تەریقیا ئەمرێ بۆئەوەی مناڵەكانی نەمرن، ئەمیان شەوێك لەشەوەكانی بەخوێنی تەریقی ئەو سورنەكات ئەمرێ.لای من ئەو پیاوە زۆر لەو سەركردە گەورەترە ، ئەمیان مێژووی ڕەزالەت ئەنوسێتەوە، ئەویان باسی سەروەری‌و سەربەرزی شەهید بوون لەپێناو هیچدا ئەكات . ئاخر ڕوئیا لەهەر خاكێكدا خەڵك بانگەشەی گورچیلە فرۆشتن بكەن، لەشفرۆشی تیادا بكرێت، لەپێنو بژێویدا ، لەسەرئێسك‌و پروسكی سواڵكەرەكان ،باڵەخانە هەڵبچنن، هەر باسكردنێك، شكۆ‌و شەرەف ‌و پیرۆزی قسەی قۆڕە، بۆیە لای من ئەوپیاوە زۆر شەریفترە لەپێناو لەبرسانەمردنی مناڵێكدا ئەمرێت(( پەنا ئەباتە بەر دزیی ، لەپێشەوە باسی دزیی ئەكەیت))، تا ئەو پیاوەی لەبەر دەرگای سیاسیەكدا ئەكوژرێت‌و بەمیان ئەڵێن مردوو بەیشیان ئەڵێن شەهید!! هەوڵبدە هەموو ڕۆژێك شتێكی نوێ فێربیت، هەوڵمەدە هەرگیز لاسای ئەوكەسانە بكەیتەوە، شتێك فێر ئەبن ‌و هەموو تەمەنیان دووبارەی ئەكەنەوە، لاشیان وایە خاوەنی تەمەنێك ئەزموونن. ئەگەر ڕۆژێك، ئەگەرڕۆژێك شتێكی نوێی تیادا فێر نەبوویت ، قسەیەكی نوێت نەبێت تیایدا بۆوتن ، ئەوا ئەو ڕۆژەت لەكیس چووە. بەترسی مردن ژینت نابوت مەە، ڕۆژێك هەردێت هەڵوەرینی گوڵێك پێت بڵێ دنیا بەو هەموو كورتیەوە خۆشاردنەوە نییە لە ترسی مردن، دنیا هەوڵێكە بۆ جوانتركردنی ژیان جێهێشتنی جوانی تیایدا. ڕوئیا ئێمە بۆئەوەی ژیان جوانبكەین پێویستە هەریەكێكمان لەخەمی دونیای ەویتردابێت، بەڵام خەریكی وێران كردنین! وێرانكردنی هەركەسێكیش وێرانكردنی خانەیەكی كۆمەڵگایە.بیریشت ەچێت هەمیشە دنیایەكی جوانتر لەمەی خۆمان هەیە تیایدا ، كەتیایدا كەڕومان كردووە.
ئەگەر لەمدنیایەدا هیچت نەزانی ئەوەبزانە قومارەگەورەكە لەژێر مێزە كاندا ئەكرێت. قسەی ڕاستەقینەش لەدەموووچاوی مرۆڤ دانییە كەزۆرینەی كات نمایشە ، هەمیشە قسەی ڕاستەقینە لەودیوی دەمووچاوەكانەوەیە، لەوشوێنەدایە كەچاو نایبینێ ‌و ئەقڵ ئەیبینێ. ئەگەر خەیاڵت كر دبابۆئەوەبێ واقیعی پێجاون بكەیت، هەرگیز بیر لەوەمەكەرەوە لەناو خەیاڵدا ونبیت. مرۆڤێك كەدەیەوێت بەختەوەری لە لەخەیالا بدۆزێتەوە‌و لەبەر خاتری ئەمە لە واقیع هەڵدێ ، مرۆڤێكی دۆڕاوە. ئەم جیهانە دڵ ڕەقە، ئەگەر ڕوبەڕوی نەبیتەوە خۆت ئەدۆڕێنی. زۆرینەی ئەوانەی لەحەقیقەتی تاڵ هەڵدین‌و بەیەكجاری سەفەر بۆناو خەیاڵ ئەكەن ئەو مرۆڤە موعتاد‌و مەی پەرست‌و وێرانانەیان لێدەر ئەچێت ئەبنە گاڵتە جاڕێكی بێمانا، ئەمە لەكاتێكدا خۆیان لەدەست بێمانایی ‌و پوچگەرایی((پوچی)) دنیا هەڵهاتوون!! قسەی من ئەوەیە مۆڤ بەهێزترین بونەوەرە ئەگەر لەواقیع هەڵنەیەت‌و ڕووبەڕوی ببێتەوەئەتوانێت، هەموشتێك بگۆڕێت، بەڵام كەم كەس ئامادەیە لەپێناوژیاندا ، لەپێناوی عیشق‌و جوانیدا ڕۆحی بكات بەبارمتەی مردن، ڕاستە ئەوەی هەیبەتێك ئەداتەوە بەم ژیانە سوك‌و سەلیمە(( بێ مانایە)) تەنیا خۆشەویستیە، ئەوەی جوانی ئەكات بەبەر ئەم ژیانە بێ ڕۆحەدا تەنیا عیشقە، بۆیە مرۆڤ ئەبێت لەپێناو جوانیدا بمرێت، نەك لەواقیع هەڵبێت. ئەمڕۆ ڕۆژنامەكانی تاران خۆكوشتنی كوڕو كچێكیان كردبوو بەمانشێت، بەمكارەشیان ناڕەزایی خۆیان دەر بڕیبوو بەرامبەر بەو مەرگەساتەی تیایدابوون (( تیایدان دروستە، نەك تیایدابوون چونكە تۆ باسی ئێستا دەكەیت. تیایدابوون بۆ ڕابردووە)) بەڵام ڕوئیا بەبڕوای من ئەوەگێلێتیە بتەوێت لەو ڕێگایەوە دەورو بەرەكەت توشی شۆك بكەیت، یاخۆت سزابدەیت، ڕەنگە ئەمە چەند ڕۆژێك وەكو كارەساتێك بمێنێتەوە، بەڵام لەدوای چەندساڵ((ماوەیەك)) ئەمە یادەوەریەكی ئەوەندە كاڵە كەم كەس ئەچێتەوە سەری ‌و بۆی ئەخوێنرێًتەوە. بۆیە مرۆڤ نابێت لەواقیع هەڵبێت. ئەبێت بەسەریدا سەركەوێت.
ڕوئیا.... هەمیشە لات وابێت پارە بۆ خزمەتی مرۆڤ دروست بووە، نەك مرۆڤ بۆخزمەتی پارە. بیرت نەچێت لەپاڵ هەموو برسیەكدا تێرێكی نابەختەوەریش هەیە لەتاو زۆرخۆری سكی ژاندەكات، جگەلەوەش دنیایەك دەردی سەریش لەگەڵدایە ، كەهیچ لەدەردی سەریەكانی هەژاری كەمتر نین، دنیایەك نەخۆشی دەرونیو جەستەیشی هەیە، مرۆڤ كە بوو كۆیلەو خزمەتكاری پارە ‌و لەم پیچناوەدا ویژدان‌و هەستی بەزیی‌و عەشق‌و ئاسودەیی دۆڕاند، ئیتر پارەكۆكردنەوە چ كەڵكێك لەئەو دەگرێ؟! چیتر ئەمێنێتەوە بۆی بژی؟!
تەنیا عیشق باعادەتی هەمیشەیتبێت، لەگەڵ كەسێكدا تاسەرئێسقان خۆشی ئەوێ‌ی‌و ڕێزی دڵ‌و ئیحساست ئەگرێت. لەگەگەڵ هیچ شتێكی تردا عادەتمەكە. ئەوانەی ئەیانەوێ‌ عادەت لەگەڵ دەورو بەریانا بكەن دووبارەبوونەوە ئەیان كوێت. مرۆڤی وشیار بەدەوری نهێنییەكانی دەورو بەریدا ئەگەڕێ‌و شتی نوێی تیا ئەدۆزێتەوە، لەگەڵیدا عادەت ناكات. بیرت نەچیچت جوان پەرستیش دووجار بەیەك تێڕوانینەوە،سەیری گوڵ ناكات. ئەوكاتەی ژیان هەموو دەروویەكت (( دەرگا)) بەڕوودا دائەخات بیر لەو كاتەش بكەرەوەهەموو دەروویەكت لێئەكاتەوە.ژیان ئەگەر دۆزەخیش بێت لەمردن شیرینترە!! لەم دنیایەدا بیر لەهەمووشتێك بكەرەوە جگە لەخیانەت‌و خۆكوشتن، چونكە كەسی خیانەتباز‌و خۆكوژ هەر دووكیان خۆپەرستن.كەسێك تۆزێ دەورو بەرەكەی خۆشبوێت بیر لەوەناكاتەوە خەمیان بداتێ. ئالەو كاتەشدا كەپێت وایە ئێمە پێویستمان بەكەس نییە ، كەسانێك هەن تاسەر ئێسقان پێویستیان بەبوون‌و موحیبەتی ئێمەیە، مەگەر سواڵكەرەكان وانین؟!
ڕوئیا، نەلەگەڵ ئەوكەسانەدا دۆستبە باوەڕیان وایە، گوڵ لەلوولەی تفەنگەكانیانا سەوزئەبێت، نەئەوكەسانەش دان بەهەڵەی خۆیانا نانیچن.كەسێك دانی بەهەڵەی خۆیانەنا ،نەئامادەیە خۆی پاك بكاتەوە‌و نەئامادەیە باشیش بێت، نەئامادەشە داوای لێبوردنبكات، بەڵام كەسێك لەناخەوە جوانبێت،كەسیش نەبێت لێی بپرسێتەوە ویژدانی خۆی دادگایی ئەكات.هەموو ئەوانەی تفەنگیان لەشانابوو بۆئەوەی دنیایەكی تر بێنن جگەلەوەی خوێنێكی بێهودەیان ڕشت، هیهی تریان نەهێنا. هەموو دیكتاتۆرەكانی دنیاش، هەر ئەم دووسفەتەیان هەبوو.
ڕوئیا، بیرت نەچێت ئەوەی دنیا دروست ئەكاتەوە وێرانكردنی نییە ، پەروەردەیەكی سەرەتاییە بە خۆشەویستی ‌و بە ڕێزگرتن. بنیات نانەوەیەتی بە گوڵ.