دڵم بۆ زوڵف و ڕووی جانانە ئەگری
دڵم بۆ زوڵف و ڕووی جانانە ئەگری
مناڵە و بۆ گوڵ و ڕێحانە ئەگری
چرا ئیمشەو کەوا فرمێسک ئەڕێژێ
ئەڵێی ھەر بۆ منی پەروانە ئەگری
ئەکا شاباشی کێ دەریایی دیدەم
کە چەشنی گەوھەری یەکدانە ئەگری؟
چییە پیری دڵ ئیمشەو وەک عەرەقخۆر
لە کونجی تەکیە بۆ مەیخانە ئەگری
دۆزەخ لە عیشقە خاڵی و جەننەت لە دەرد و داغ
دۆزەخ لە عیشقە خاڵی و جەننەت لە دەرد و داغ
عاشق لە حەشریشا نیەتی جێ دڵێ فەراغ
![](http://www.hemin.dk/files/images/tp.gif)
گەر عازیمی زیارەتی کەعبەی مەحەببەتی
ڕێ: چاکی دڵ؛ عەلامەتی ڕێ: داغ و شوێنی داغ
![](http://www.hemin.dk/files/images/tp.gif)
عیشق ئاگرێکە بەر بووە ھەر کەس دەبێ بە کەس
گەر ڕۆژەرەش وەکوو شەوە بێ، بوو بە شەوچراغ
![](http://www.hemin.dk/files/images/tp.gif)
شەطێ ئاوی کە زاهید بۆ وضوویەک کردووە ضایع
شەطێ ئاوی کە زاهید بۆ وضوویەک کردووە ضایع
فەقیرە، هەر بە بایەک ئەو هەموو ڕەنجەی چووە ضایع
![](http://www.hemin.dk/files/images/tp.gif)
میثالی وایە بەحرێ گەوهەری دابێ بە خەرموهرێک
لە بۆ دنیا ئەوی عومری عەزیزی کردووە ضایع
![](http://www.hemin.dk/files/images/tp.gif)
هەتا تۆ چوویە گوڵشەن، گوڵ بە بێنی میسکی زوڵفت کەوت
کەوا ئەو ڕەنگە خۆشەی سیس و هەم بێنی بووە ضایع
![](http://www.hemin.dk/files/images/tp.gif)