ژمارە و حەرفی نووسینت گشت عەرەبین
لە بیرم چوو، ئەگەر بشڵێم پیتەکانت، هێشتا ئەوان هەر عەرەبین
ئەو فتبۆلەی منداڵەکەت یان براکەت تێیهەڵدەدات
 ژنێکی سریلانکایی یان ڤێتنامی دووریویەتی 
شاڵی سەر شانی دەنکەکەت، لە سەنگافوورە دەچنرێت 
کراسەکەی خۆت چینییە، هی براکەت مەید ئین تایوان 
قۆپچەکانی لە ئیتالیاوە هێنراوە
گەر فانیلەی عەللاگەکەت شیکرێتەوە، لۆکەکەی دەفڕێ بۆ ئەسوان 
سووراوی دەستگیرانەکەت، بە سواری پاپۆڕێک دێت و 
کۆلکێشێکی خەلکی بەسرە باریدەکا  و 
 بە (سکانیا)یەکی سویدی یان بە (مان)ێکی ئەڵمانی دێتە بەر ئاوێنەی ماڵتان

لە غەم شاری دەروون مەعموورە ئەمشەو
بناغەی مــڵکی دڵ خاپوورە ئەمشـــــەو

(ڕەوانســــــەر) بۆ لە زیددی من فەرەنگی
لە بەردەرگای ڕەقیب مەسروورە ئەمشــەو

ئەمن فەرهاد و شـــــاهید بێســـــــــتـوونە
ئەتۆ شیرین، شەماڵ شاپوورە ئەمشــــەو

لە وەصــڵت مــــــــەنزڵی دوورکەوتەوە دڵ

دەبێ دڵ ویسعەتێکی وەک فەلەک زیاتر وە کەف بێنێ
شەو و ڕۆژی فیراق و وەصلی دولبەر تا بگونجێنێ

دەخیلت بم کوڕی ئەمڕۆ بە، فەردا وا دەکەم هیچە
چ فەرداها تیا نەکراوە کارێک و بووەتە دوێنێ

زوبانی حاڵی پەروانە لە وەختی سووتنا دەیوت:
کەسێ واریثمە وەک من بێ، لە عیشقا خۆ بسووتێنێ

بە چاوان غەمزە و ئیما مەفەرموو   بە قەتڵی عاشقی شەیدا مەفەرموو

کە من کوشتەی جەمالی تۆم عەزیزم،   لە باغی جەنەتلمەئوا مەفەرموو

ئەتۆ موو سونبوڵ و ڕوو ئافتابی   لە حوسنی تەڵعەتی لەیلا مەفەرموو

دەڵێن: فەرمووتە بمکوژێ بە ناحەق   کە تۆ سوڵتانی حوسنی وا مەفەرموو

دوو چاوم، دوور لە تۆ، تۆفانی خوێنە   لە مەوج و جۆششی دەریا مەفەرموو

دەمت وا بێنە، قیبلەم، تۆی تەبیبم   بە تەشریفی دەمی عیسا مەفەرموو

سـەرابسـتان خـەرابـسـتانـە ئـیمـڕۆ   بەهاری عەیشی مە زستانە ئیمڕۆ

بــە زەردی پـاییـزی ڕەنـگــم دیارە   بە خاڵی ڕووتە تابووستانە ئیمڕۆ

ژیـانـی عـومـرەکـەم بـێ تـۆ زیانـە   گوڵستان بۆم بە خارستانە ئیمڕۆ

تەواوی زیندەگانیت بێ وجوودت   سەراپا وەک قومارسـتانە ئیمڕۆ

کەنارستانی عیشقت بۆ تەجەممول   ئەوێسـتا نەوعـی شارسـتانە ئیمڕۆ

هەتاوی خاکی گەرمێنت بە من چی؟!   لە بۆ من هەر وەکو کوێسـتاتە ئیمڕۆ

گوڵی من بێ نەزیرە، تۆ تەماشـــا   ویـلایەت پاکی باغســتانە ئیمــــڕۆ

سیگارێک ده­س له ملانی دوو قامکم
سیگارێک نازانێ سیگاری نیم!
سیگارێک ده­س له ملانی دوو قامکم
خیابان هه­روا چۆڵ
- هه­روا یانی زۆر چت! -
هه­نگاو هه­ڵئه­گرم
هه­رچه­ن قورسه
ڕه­نگه تووشی دیسکی که­مه­ر بم
- دیسک یانی زۆر چت! -
سیگارێک ده­س له ملانی دوو قامکم
سیگارێک چاوه­ڕوانی لێوی ڕه­شه
لێوێک که­مڕه­نگتر له ماتیک
گومان ئه­کێشێ!
خیابان که چۆڵ بوو
- هه­روا -
سوورتر تێکه­ڵی ئه­بم!
هه­نگاو که قورس بوو،
هه­ڵمگرت!

پێش ئه­وه­ی بگه­مه نازانم کوێی خیابان

نەفەس سەمتوورە، سینەم ساز و دڵ نەی
حیکایەتخوانی دووریی تۆن پەیاپــەی

بە زیکری تۆ وەکو سۆفی هەمیشە
مەقاماتی فەنا فی اللە ئەکەم تەی

چە شیرینە لەگەڵ شەهدی حزوورا
لە تۆ خەندە و لە من ئاوازی ئۆخەی

ئەگەر سایەی سەری تۆ بێ بە تاجم
چە موحتاجم بە تاج و ئەفسەری کەی