(حَقاً) لە ڕەقیب ئەو بەر و دەرگانە حەرامە
لەو دێوە، کە ئەم تەختی سولەیمانە حەرامە
![](http://www.hemin.dk/files/images/tp.gif)
(قیل)ێکی ضەعیف: ئاهی حەزین ئیذنە لە عیشقا
گریانی بە کوڵ ، ناڵەیی مەستانە حەرامە
![](http://www.hemin.dk/files/images/tp.gif)
سووتانی بەبێدەنگییە ئادابی مەحەببەت
وەک بولبول ئەم ئەفغانە بە پەروانە حەرامە
![](http://www.hemin.dk/files/images/tp.gif)
وا دەربەدەرە دڵ، وەطەنی سینەمی ون کرد
لەو شێرە خوێڕییبووه ئەم لانە حەرامە
![](http://www.hemin.dk/files/images/tp.gif)
دەیوت کە بەڕەهمەن مەهی ڕووی ئەم صەنەمەم دی
گەر بت ئەمە بێ ، خزمەتی بتخانە حەرامە
![](http://www.hemin.dk/files/images/tp.gif)
من پادشاهی عیشقم و ، هەر داغی جونوونم
تاجی سەرە، باقی کە لە دێوانە حەرامە
![](http://www.hemin.dk/files/images/tp.gif)
هەر (کوکەن ) و( مەجنون)ە کوڕی کێو و بیابان
غەیری کون و قوژبن کە لە فەرزانە حەرامە
![](http://www.hemin.dk/files/images/tp.gif)
بێ داغی نەدامەت دڵ و ، بێ دەردی ئەسەف جان
لەم کالیبەدە دڵ ، لە دڵ ئەو جانە حەرامە
![](http://www.hemin.dk/files/images/tp.gif)
خوێناوی جگەر، گۆشەیی ( بَیْتُ الحَزَن)ێ بوو
'مەحوی' ! بەسە، مەیلی مەی و مەیخانە حەرامە