مۆدێرنە و نووسین

(تاران)

 
قەیرانی وەڵام، جەوهەری سەردەمی مۆدێرنیتە، كە عەقڵە، دەخاتە ژێر ڕووناكی گومانەوە. مەبەست لە سەردەمی مۆدێرنیتە، ماوەی نێوان ڕێنیسانس و شۆڕشی فەڕەنسایە. بۆچوونی جیاجیا هەن لەمەڕ ئەو سەردەمە. هەندێ‌ لە نووسەران سەردەمی ئەمڕۆش بە سەردەمی مۆدێرنە لە قەڵەم دەدەن. هەندێكی تر دەڵێن لەگەڵ داهێنانی ئامێری چاپ مۆدێرنیتە هاتە پێشەوە. كۆمەڵەیەكی تر دەیبەستنەوە بە دۆزینەوەی ئەمەریكا لەسەر دەستی كریستۆڤەر كۆڵۆمبس لە سەدەی پازدەهەم. هەندێكی تر دەڵێن گالیلۆ فاكتەری هاتنە پێشەوەی مۆدێرنە بووە ....هتد .

قەسیدەی ماریا

بۆچی
 
لەو گوندە دوورەدەستە دەمكوژی ؟
فریای ئەوە نەكەوتووم نیسكافەكەم  تەواو بكەم 
كتێبەكەم
تابلۆیەكەم
هۆنراوەكەم
خەونەكەمم تەواو  نەكردووە . 
دەرفەتم بدە 
تا تۆ ژنە مردووەكەت دەشۆیت 
هەموو شتێكی خۆم تەواو دەكەم
تا تۆ ژنە مردووەكەت لە نێو ئەو بەفرە دەشاریتەوە 
خۆمم تەواو كردووە
خۆمم كووشتووە
ئەو كاتە حەقتە بمكوژی 
بمكووژە و بەزەییت پیامدا نەیەتەوە
هەروەك چۆن من بێ بەزەییانە تۆم كوشت .

قه‌سیده‌ی کڵاو

(1)
شه‌هوه‌ته‌کانم بۆ جه‌سته‌ی شه‌هوه‌ت
ئازادیم بۆ بینینی ئازادی
ناخم بۆ بینینی ناخی
خۆزگه‌کانم بۆ بینینی خۆزگه‌کانیان
گڕیان گرتووه‌.
(2)
که‌شتیوان و راهیبه‌ یه‌خسیره‌کان
گیرفانه‌کانمان پڕ له‌ گه‌نم
دڵمان پڕ گیرفان ده‌که‌ن.
(3)
به‌ لاپه‌ڕه‌کانی مێژوو
قاچه‌ ته‌ڕه‌کانی مێروو وشک ده‌که‌مه‌وه‌.