نەفەس سەمتوورە، سینەم ساز و دڵ نەی
حیکایەتخوانی دووریی تۆن پەیاپــەی
![](http://www.hemin.dk/files/images/tp.gif)
بە زیکری تۆ وەکو سۆفی هەمیشە
مەقاماتی فەنا فی اللە ئەکەم تەی
![](http://www.hemin.dk/files/images/tp.gif)
چە شیرینە لەگەڵ شەهدی حزوورا
لە تۆ خەندە و لە من ئاوازی ئۆخەی
![](http://www.hemin.dk/files/images/tp.gif)
ئەگەر سایەی سەری تۆ بێ بە تاجم
چە موحتاجم بە تاج و ئەفسەری کەی
![](http://www.hemin.dk/files/images/tp.gif)
غەزەل قەت نابڕێ هەرگیز بە باڵات
دەزانم بۆ کە وا مایل بە تاقەی
![](http://www.hemin.dk/files/images/tp.gif)
لە مەیخانەی خەیاڵی شەوقی تۆدا
بە نەشئەی یادی تۆ دڵ مەستە بێ مەی
![](http://www.hemin.dk/files/images/tp.gif)
لە عەکسی بادە ساقی وا لە مەیدا
قەدەح فنجانە ئازا تێکە سا دەی
![](http://www.hemin.dk/files/images/tp.gif)
لە وشکی وا نەمامی باغی نەزمم
بە پووشی ڕیشی سۆفی بوو شکۆفەی
![](http://www.hemin.dk/files/images/tp.gif)
بەسەرچوو دوور لە تۆ باغی خەیاڵات
نە بوونی ما، نە بۆنی ما، نە غونچەی