كەمن و مردن موشتەری مەیخانەیەك بین
بافریشتەی حەقیقەت بكوژین و ڕۆحی شاعیرەكان بكێشین
باژەهری ئومێد بنۆشین و نائومێدی بكوژین
من دەچمەوە نێو كتێبی شاعیرەكان و لەوێ‌ كوخێك لەخەیاڵ دروست ئەكەم
ڕۆح ئەدەمەوە بەگوڵی باخە نایلۆنەكان
بەوێنەكێشە كوێرەكان ئەڵێم شتێكی تربكێشن
وێنەكانی حەقیقەت هەمووی كۆن بوون
دەچمەوە نێو بەلەمی ئەوڕاوچیانەی وردە ماسی مردوو ئەژمێرن
دەڕۆم بۆماڵی ئەو سۆزانیانەی عیشقی كوژراو ئەفرۆشن
ماڵی ئەو نورانیانەی لەسەر ویژدانیان نوێژ ئەكەن
بەباڵ خەڵوزی ئەم خۆكوشتن و سوتانە باوەشێن دەكەم

ئێوارەیك هەواڵم بۆدێنن
كەتۆ دەگەڕێیتەوە بۆ شارو
هەموو دیوارەكان ئەكەیت بە دەرگا
شەقامەكان ئەسپێریت بە فەرامۆشی
بەڵام من وەك كۆترێكم لێهاتووە
عیشق پەڕو باڵی كردبێت

*