من كە فەرزەندەيەكى غوربەتنشينم
خۆشحاڵم بە غەم،
كە گەڕيدەيەكى ياخيیم
ئاسودەم بە تەنيايى،
دەرگاكە بكەرەوە و گوێ بۆ ناڵینەكان بگرە.

............

بيكەرەوە ...
دڵم بۆ تۆ دەرهاتووە
دايبخە ...
ئەم كەلاكەم لە تەنياييدا بۆگەنى كرد.

............

چه‌ندم کرد نه‌متوانی
پێ به‌پێی ئێوه‌ بێم و
له‌ پشت چیاکانه‌وه‌
لای شانی ڕاستی گۆیژه‌وه‌
سڵاوێکتان وه‌کو جاران بۆ بنێرم،

کێ ده‌ستی ده‌گاته‌ دووریم
کێ وه‌ک جارانی باخ
هاورێیه‌تیی له‌گه‌ڵ ته‌نیاییم ده‌به‌ستێ
من بۆ سڵاوێکی شیرین
وا قوڵپی گریانم دێ،

من ئێستا
له‌ ناو تاقانه‌یی خۆمدا گیرم خواردووه‌
ره‌هێڵه‌یه‌ک هه‌ڵناکات
بۆ ته‌نها جارێ

پێشکه‌شه‌ به‌/ ماڵێک له‌ ئاسمان و ده‌نگه‌کان

ئێستا ماڵەكەم
لای نزیك ماڵی (با)وەیە،
هەموو بەیانییەك لەحەوشەكەی خۆیەوە
پرچی شۆڕەبییەكان دادەهێنێ‌،
كە ئەزانێت لە بەرامبەری وەستاوم
شەرمنییەك دایدەگرێت‌و
پەنجەكانی لە شنینەوە دەكەون.

************

کۆتاییه‌کان ته‌واو نه‌کراون
سه‌ره‌تاکان ده‌ستیان پێ نه‌کردووه‌
باخه‌کان دیمانیان کاڵه‌
ئازاره‌کان نه‌ڕواون
پێش ئه‌وه‌ی شتێک ڕووبدات،
ده‌ستت بخه‌ره‌ ده‌ستمه‌وه‌
شتێکی ماوه‌ زه‌مه‌ن بووه‌ستێ،

************

ژیان به‌ حوزنه‌وه‌ لێم ده‌ڕوانێ
ده‌نگێک له‌ دووره‌وه‌ ده‌بیستم
مناڵێک به‌لامدا
فرته‌ ده‌کاته‌ ته‌مه‌نه‌وه‌
هه‌نگاوێکم ناوه‌ له‌وه‌ی
له‌م هه‌موو شتانه‌ تێبگه‌م
تۆ وه‌ره‌و له‌ بێ تاقه‌تیمدا
جگه‌ره‌یه‌ک داگیرسێنه‌،

************

ئیستێکی خێرا... بۆ ئه‌و جۆره‌ نووسینانه‌ی هیچ بنه‌مایه‌کی ئه‌خلاقیی نووسینیان تێدا نابینرێ

به‌پێچه‌وانه‌وه‌ ده‌بینران
هه‌رجاره‌ی به‌ شێوازێک له‌ شێوازه‌کان،
له‌حزه‌یه‌ک هه‌بوو
هه‌موویانی کۆده‌کرده‌وه‌،
ئه‌وان ونبووی
نا‌و هاژوهووژی ته‌بیعه‌ت بوون،
له‌ناو ژووره‌کانی ته‌نیایدا
کڵۆم درابوون،
هه‌بوو.. نه‌بوو
لاسکی هیچ ته‌ڕه‌ شیعرێ
له‌ شیعره‌کانی من ناسکتر نه‌بوون،

*

ڕووداوه‌ شێواوه‌کان

دیوی پشته‌وه‌ی په‌نجه‌ره‌کان تاریکن
زرموهوڕی ده‌رگاکان دێت
په‌نجه‌کانم ماخۆلانیانه
یه‌ک دوو قه‌ڵه‌مم له‌به‌رده‌ستدایه‌‌
گوێ له‌ مۆزیکیش ده‌گرم
له‌تاو مه‌راق
خۆم ڕووتوقوت کردۆته‌وه‌
به‌ زمانم ده‌ڵێم بێده‌نگبه‌
تا بزانین چی ڕووده‌دات
خرینگه‌ی پاوه‌نه‌یه‌ک ده‌بیستم
زه‌ینم ده‌چێته‌وه‌ سه‌ر گۆرانییه‌کی فۆلکلۆر
بێئه‌وه‌ی له‌ ده‌رگای ژووره‌که‌م بده‌ن
به‌ په‌رتاو خۆیان ده‌که‌ن به‌ ژووردا
قه‌سیده‌ شێواوه‌کانم.