(1)

هەموو تەمەنم با بردی
بۆ تاریكی
من مامەوە.

(2)
بەیانیان منداڵەكەم یاری بە قژم دەكا
من دایكم لە خەو دەبینم
وەك كوێر لە بازاڕ
بەدوامدا دەگەڕێ‌.

(3)
دنیا ئەوەندە گەرمە
لە دڵی خۆت دەڵێی
بروخێ‌ با.

گفتوگۆ لەگەڵ عەبدولموتەلیب عەبدوڵڵا
سازدانی هەرێم عوسمان

(1)
چاوم بەلقی بارانە هەڵواسراوە
ئەوەی ڕوودەدات هەرچی بێت
بەر خاك دەكەوێ‌ وەكو ئاو
شین هەڵدەگەڕێ‌ وەك دەریا.

(2)
دەریا شین شین
بە دنیا پێدەكەنی
بەر لەوەی مرۆڤ ببارێ‌.

(3)
قژت تنۆك تنۆك دەكەوێتە سەر بێدەنگی چاوم
لەشكری باران ناز دەكا
بەردەبێتەوە نێو دەریا.

"مرۆڤ ده‌بێ‌ له‌ ژیاندا بۆ ماناى بوونى خۆى بگه‌رِێت"

له‌ كۆمه‌ڵه‌ شیعرى (تاریك، به‌قه‌د دره‌وشانه‌وه‌، تاریك)ى كه‌ریم ده‌شتى