ساقی، ئەی مایەی طەرەب لەب، پەرچەمت ڕەیحانی ڕووح
ساقی، ئەی مایەی طەرەب لەب، پەرچەمت ڕەیحانی ڕووح
نیم خەندێ کە لە غونچە، دەرخە سەرچاوەی صەبووح
![](http://www.hemin.dk/files/images/tp.gif)
پرسشێ کا حاڵی زاری ئێمە، زاری کردەوە
لەو ددانانە کە دەدرەوشایەوە نەجمی فوتووح
![](http://www.hemin.dk/files/images/tp.gif)
لێوی دەرخست و بە ناصیح لێوەلەرزەی خست ئەگەر
بێ تەبەسسوم کا دەبێتە ئافەتی تەوبەی نەصووح
![](http://www.hemin.dk/files/images/tp.gif)
عیشق و ئازادی
ئەگەرچی شەو درەنگە ساقی بۆم تێکە کەمێکی تر
کەوا ئەمشەو سەری ھەڵدا لە ناخمدا خەمێکی تر
![](http://www.hemin.dk/files/images/tp.gif)
لەبادە ئەم ژەمە تێرکە منی تینووی جگەرسووتاو
بە چی دیارە کە دەیبینم شەوێکی تر، ژەمێکی تر!
![](http://www.hemin.dk/files/images/tp.gif)
ئەوەندە دەردەدار و بێ پەرستارم کە پێم وایە:
لەسەر کێکی تەمەن، ھەڵناکرێ تازە شەمێکی تر
![](http://www.hemin.dk/files/images/tp.gif)