منداڵه‌کان...
هەندێكجار، بیر لە بارەغەمی خۆرەتاو
دەكەنەوە..
بۆ بارەكەی قورس كردووە؟
هەندێكجار، لە سێبەری دارێك دەڕوانن..
بۆ پرچی قرژن كردووە؟
هەندێجار، لە بن كونجی دیوارێكدا
دانیشتوون..
بیر لە دایكبوون دەكەنەوە؟
مناڵەكان پیرێكی بێتەمەنن.. لە هژمەتی
گۆچانێكدا دەسووڕێنەوە.
مناڵەكان دواین وێستگەی ئەو سەردەمەن،
كە بەسەر پردیشدا ڕەتدەبن..
بیر لە شۆڕشی "گاندی" دەكەنەوە!.

ده‌روونــم پــڕ کـــه‌بــــاب و ده‌رده‌ بـــێ تـۆ
دڵم گه‌رمه‌ و هــه‌ناسه‌م سـه‌رده‌ بــــێ تـۆ

خـه‌ریکی شه‌ش‌ده‌ری هــات و نـــه‌هــاتـم
خه‌لاصیم قه‌ت نییه‌ له‌م نـــــه‌رده‌ بـــێ تـۆ

لیباسم مــاتــه‌مـــه‌، شینه‌، لــــه‌ شیندام
سوروشکم سووره‌، ڕه‌نـــگم زه‌رده‌ بــێ تۆ

بـــــا ڕه‌فیقــــانـم بــــكەن شینم كـــه‌ وه‌قــتــی زارییه
قەط مەكەن تەقصـیر لەگریان، شیوەنــم یـــه‌گـجـارییه

تیرەكــەی ئــــه‌وڕۆژە مەحبووبەم كە لوطفی كــرد بە من
گـــــەر نەبەخشێ مـــەرهەمی وەصڵی، برینم كارییه

حەپسی چــــاهی میحنەتم، كـــافر بەحاڵی من نەبێ!
كـــــار و پیشەم دائیـمــــەن گـــــــریـــان و شین و زارییه

ئه و سیلسیله وا میشگی خەتا نێوی براوه،
پر پێچ و شكەن، خەم بە خەم و، حەڵقه كراوه،

لەولاوێكه لەولاوه به ئەم لاوه كشاوه،
یا یاسەمەنی خاوه به ڕووی ڕۆژدا ڕژاوه؟!

یا دووكەڵی جەسته ی منه بەو شەمعه سوتاوه،
یا هەوری سیاتاوه كه مانیع له هەتاوه؟!

داوێكه له ڕووی دانەیی خاڵت تەنراوه

من كە فەرزەندەيەكى غوربەتنشينم
خۆشحاڵم بە غەم،
كە گەڕيدەيەكى ياخيیم
ئاسودەم بە تەنيايى،
دەرگاكە بكەرەوە و گوێ بۆ ناڵینەكان بگرە.

............

بيكەرەوە ...
دڵم بۆ تۆ دەرهاتووە
دايبخە ...
ئەم كەلاكەم لە تەنياييدا بۆگەنى كرد.

............

 لە تەختەكەمدا جێنگڵان دەدەم، یادداشتەكانى بیرم لێكدەدەمەوە، بیرە پەرێشان و شێتەكان زەخت بۆ مێشكم دێنن، پشتى سەرم دێشێت، بروسكى پێدادێت، لاجانگەكانم داغ بون، لە خۆم دەئاڵێم، لێفەكەم دەكێشمەوە سەرخۆم و بیر دەكەمەوە- ماندو بوم.. چەندە خۆش دەبو توانیبام كاسەسەرى خۆم كردباوەو هەمو ئەم كۆما بۆرە پێچاوپێچەى كەللـەم دەرهێناباو فڕێم دابا، فڕێم دابا بەر سەگ.
 سادقى هیدایەت- زیندەبەگۆڕ
 
 دەقى شیعرەكە:
 

خۆم ناکوژم 
دەترسم لە دوای مردن
ژیانی هەتا هەتایی هەبێت.

خۆم ناکوژم
من پیاوێکی دۆزەخی و
تۆ ژنێکی بەهەشتی
ئیتر چۆن بەیەک دەگەینەوە.

خۆم ناکوژم
هەموو رۆژێک دڵۆپێک لە دەفری تەمەن دەڕژێ
ئای لە ڕژانی دواین دڵۆپ ئای،

خۆم ناکوژم 
ژیان ئەوە ناهێنێ تاوانباربم 

بۆچی
 
لەو گوندە دوورەدەستە دەمكوژی ؟
فریای ئەوە نەكەوتووم نیسكافەكەم  تەواو بكەم 
كتێبەكەم
تابلۆیەكەم
هۆنراوەكەم
خەونەكەمم تەواو  نەكردووە . 
دەرفەتم بدە 
تا تۆ ژنە مردووەكەت دەشۆیت 
هەموو شتێكی خۆم تەواو دەكەم
تا تۆ ژنە مردووەكەت لە نێو ئەو بەفرە دەشاریتەوە 
خۆمم تەواو كردووە
خۆمم كووشتووە
ئەو كاتە حەقتە بمكوژی 
بمكووژە و بەزەییت پیامدا نەیەتەوە
هەروەك چۆن من بێ بەزەییانە تۆم كوشت .

١. ' لەم دۆزەخەدا ، باوەشێک ! لەم مەنفایەدا ، بارانێک ! '

چەندین کتێبم کردەوە، 
حەرفێک نەهاتە ژووەرەوە هەناسەیەکی تۆی هەڵگرتبێ.
ئەو هەموو قەسیدەیەم داخست، ڕستەیەک پێی نەوتم شەوباش!
دەرگا نەما نەینووسمەوە، کەسێ خۆی نەکرد بە دڵما
بۆنی عەترەکەی تۆی لێ بێت!
زستان کۆچی سپیی کرد و پایز لە غەریبیی گەڕایەوە و
تۆ دیار نەبوویت.
ئەڵێن کتێبێک بەڕێوەیە،
دێت و چرای قسەکانی تۆ هەڵئەکا،
ئەو دەمەی دائەگیرسێیت و ئەڵێیت:
تەفسیری خەونەکانی ئاسمان
هەر بە خەیاڵی ئەستێرە ئەکرێت

گوڵ و غونچەی بەهارانیش لە تۆ نەشمیلەتر نابێ
نەمامی عەرعەری کۆرپەش لە تۆ خنجیلەتر نابێ

لە عالەمدا لە تۆ چاتر، لە تۆ مەحبوب و شیرینتر
ئەگەر دەعواچیەک مابێ، درۆ ناکا دەسا با بێ

دەسا با بێن بەصەف یەکسەر هەموو چاومەست و گوڵ‌ڕومەت
با بزانن چۆن ئەبێ مەحجوب، ئەوی وا لافی لێدابێ