تۆ نازانیت چەند نزیکیت لە دڵمەوە !
دڵم تەنگە ، شەوانە وەرە دیدەنیم ! "
مەهدی ئیخوان سالیس
![](http://www.hemin.dk/files/images/tp.gif)
1
دوای گەڕانەوە لە سەفەر
هەموو نیشتمانم هێنایەوە بۆ پایزە غەمگینەکەی ئەدیلاید
شتێک نەبێ لەوێم جێهێشت ؛
ئەویش دڵم بوو .. دڵی پڕ بارانی خۆم !
2
بمبەخشە ئەی دڵی بێشەوق !
من جێم هێشتی تا بەر تۆفانی غەریبییم نەکەویت و
نەچیتەوە شەوەکانی نائومێدی ،
نەبیتەوە بە گومان و ئاوێنەکانم لێ پڕکەیت لە تەنیایی .
3